每次大跌市都會出現人為錯盤交易, 每次都係大大鑊但又每次都有份發生, 真假難辨. 今星期出現單日跌800點的確意料之外, 18600比8月還要低, 相當失望, 但反彈了兩天共1000點, 又有點不簡單, 紅籌和國企反彈幅度相當不俗, 觀察中相信市場是有趁低吸納的. 且勿論是中資或公司回購, 這兩天給我的感覺是要投資的話, 就要看這幾天公司董事對旗下資產有多重視, 如何應對資產被蹂躪而作出拯救. 其中有人辭官歸故里, 自已拋貨多踩一腳, 這類公司可以列入黑名單, 永遠也不會受基金及散戶青睞, 既輸錢又輸臉. 另一類是趁低回購吸納, 雖然短線未能完全反映, 但長線效益便不可同日而語. 公司品牌即時高下立見, 肯定的是挽回面子, 起碼輸少樣.

沒有基本因素令我太看好任何投資產品, 8月傅的歐美債違約又好似沒有發生, 只是分別由評級機構隨意插些字母旗, 便無端端風起雲湧, 拋到五臟六腑七零八落, 無辜但又奈何. 問一問自已1900美元會追金嗎 ? 兩萬大洋仍會追樓嗎 ? 只要一問, 自已就會好迷失, 究竟全世界想點走 ? 美國被調至AA+, 那現在不是美國嗎 ? 中國也被下調, 意大利財長不是叩門嗎 ? 法國銀行被下調倒閉了嗎 ? 太陽仍從東方上升, 西方日落, 沒有變.

要說危機, 不是已經由年初五趺到現在 ? 爆了嗎 ? 香港有債嗎 ? 關香港何事 ? 要爆還用各國財長奔走嗎 ? 各國對減赤所發生的騷動, 不是反映已爆了嗎 ? 要怎樣爆才正式是爆 ? 全個希臘移為平地 ? 遍地屍骸才能具體形容為爆嗎 ? 銀行沒有擠提, 但股市卻出現擠提, 難道賣了的股票, 錢放床下底免得銀行擠提不成 ? 好笑話 !

從228下跌至188共4000點可能好驚恐, 那再由188下跌至178是否比上一次更慌張 ? 188還要沽往178 ? 咁唔去178我該開心還是不開心 ? 管它吧 ! 今次卻體會到人性分好多種, 以後揀股還得要揀股東的責任心.

自從開始了數量500張期指要申報後, 便出現了程式買賣盤, 是同一集團或基金用不同公司名稱在海內外的集體行動, 要申報這程序根本是形同虛設, 再多跌2000點又看誰按錯制錯盤交易吧 ! 不要臉 !!!

好多股票已5-7倍PE了, 還要沽 ? 別說笑, 睜大眼睛揀好股. 大不了分注....

19/9 其實今天淨係330, 688同1211, 都夠令大市上唔番190, 重要加埋內銀, 死未? 外圍升足一個星期, 點都要回, 港股慣例人升佢唔升, 人跌佢就跌到加零一, 近期的確做淡賺錢快過做好, 即係死都要投機唔好投資. 今日沽空盤反而不是太多, 傳媒分析一致睇淡, 跌到186 就開始睇160甚至140, 睇多10-20%原則上慣例, 無乜代表性. 話左視死如歸就放埋一邊唔理, 反而得閒比我有借口鬧下都幾開心. 當全世界都知經濟不景, 一浪低於一浪, 按理全人類唔開淡都對沖左, 咁又邊個輸俾我呢 ? 連我都諗唔通

今晚再諗過.

20/9 美股有如坐過山車, 大致模式跟港股波動差不多. 意大利被下調評級, 歐洲亦散哂. 在這種機動交易下, 實在好難對市場鑑貌辯色, 只肯定大鱷充斥市場, 有策略地主導買賣. 在各國尋找解決方案情況下, 市場正常較為理性, 這類破壞性波動絕對是有策劃的行動, 相當可恥. 金, 股, 匯同樣大幅波動, 這類程式盤令市場不安.

重有7個半交易日都唔好話唔chok, 一浪低於一浪的形態未變, 歐盟表態好清淅, 就是最討厭美國禽獸行為, 想深一層歐洲死對美國都有好處, 只淨得中美兩個隻揪, 那美國勝算更高, 戰爭好殘酷.

 

 YEAH YEAH YEAH, 尼個7連升喇 ~ 一直升到結算日

 

21/9 我真係睇唔到今日點觧要跌 ??? 殺牛186 ? 原來殺完187, 又有185肥牛, 真係要睇住牛熊表做人. 唔玩喇

 市場交投淡靜, 咁港交所會唔會裁員架 ? 咁我D蟹貨會唔會矛哂架, 好劣呀
 

4:20pm 大市令人失望, 但唔明典解亞洲全升, 只係港股獨憔悴, 190已經是短線阻力, 真係無話可說, 市場已沒有人買貨深不見底, 也許我keep住SF直接要輸錢為止便確認見底 ?? 內地股市傳下跌5浪已完成, 所以進入買貨時機, 並有成交配合. 不過可能是熊市反彈, 點都好, 大家都應該有心理準備經濟出現衰退. 10月份180Put OI共有11000張都幾怪

 

22/9 昨天全亞洲皆升, 港股獨跌, 皆因中資炒家跟投行對賭 ? 如果這消息屬實的確是妖孽的當道魔鬼交易, 港股定必臭名遠播. 當跌市至今港府從未發言, 亦從未介入這類的扭曲運作, 小股民當然草木皆兵, 香港成為被蹂躪之地, 非法賭波是違法, 那這類賭身家的勾當卻大行其道, 港股會出現不尋常波動, 亦沒有正規技術可言, 同過大海完全無分別, 市場違規對賭, 散戶避蓆好了, 但這類的違規交易, 籠裡雞作反是否應該監察一下, 好可恥, 太恐怖了.

 

7:00pm 下午出現斬倉盤, 成交大除了更恐慌, 基金回購潮外, 亦有頗多人拋股票轉補住期指按金倉. 假如今天蘋果報導屬真, 那後市將會更波動, 對賭是不會一局便玩完的, 我覺得淡友和好友都不會一局定輸贏, 雙方亦沒有可能得一注籌碼. 港股跌得比其他市場多, 令我相信此事的真確性, 所以後市會好chok但並非一面倒只跌不升, 這樣的對賭明顯要糾纏一陣子才能分勝負, 兩家的胃納都很大, 隨下來波幅會好離譜, 今天淡友質穿178用的力度是比平日多而做成較大成交, 現時散戶已靠邊站, 所以今日食了期紙淡倉只淨下LP, 等好友還擊時再決定, 我相信這局尚未分勝負. 假如好友反手成功便可能是熊二反彈, 大家亦要趁機會減倉. 市場又傳唔到160唔收手, 亦要做好心理準備.

 

23/9 今日無野好做, 市場千瘡百孔, 好快出現人踩人場面, 一場不是你死就是我亡的戰爭, 伯南是千古罪人錯不了, 快刀斬亂麻香港已被打劫一空.

又一血肉長城的一星期. 每個月跌4000點, 到年底恆紙該是1500了

今日傳中央批核了200億入貨, 但未知幾時到, 我覺得唔批好過, 由得佢穿08年低位, 免得益左D大戶, 昨日的低位是今天的高位, 前無去路了. 明年6月10000put竟然有一張成交, 驚未 ? 放假了, 輕鬆下啦 ! 唔會個個月跌4000既