組合裏面有兩隻基建股,但性質不同,買入的原因也不同,今天先講 3898 株洲中車時代電氣。


公司基本因素




從以上列表可以看到中車時代電氣多方面嘅財務比率都係非常之優秀。比起其他基建股,中車時代電氣嘅純利率有18-20%。普遍基建股純利只有 5% 以下,好多只係得 2-3%。而佢嘅 ROE 亦都維持喺 18-20% 之間。還有負債比率、現金流和應收賬亦都比起其他基建股健康得多。




再看五年基本營運數據,由 2012-2015 四年也是增長良好,但到了 2016年業績開始倒退,所以股價最近一直在低位徘徊。不過如果以人民幣計算,其實盈利只是少了 2.0%。所以如果業績回復增長,相信股價可以重搭升軌。




股票估值


去年中車時代電器被納入國指成份股嘅時候,最高升到大約 $48。之後在 $36-48 區間上上落落。現價又去返之前嘅密集區底部。

4月21日公報了第一季業績,營業額持平,但係盈利就倒退了15.31%,所以股價輾轉下跌。

第一季盈利倒退主要原因是稅金,只要半年業績唔係太差,應該可以回升之前高位。而且相信未來一帶一路會持續帶來增長,業績最後會有所改善,股價便可以有突破。

中車時代電器五年平均高低 P/E 由 11.03-21.26倍,中值 16.15倍。現價 $37.50 P/E 13.66倍在估值下限。

如果以 P/B 計五年平均下限 2.25倍,現價 $37.50 P/B 2.34倍,應該再跌空間有限。

今日 $37.40 再買入 400股。如果股價繼續下跌,會喺大約 $35,再買入多一注。不過如果中期業績比預期差,便可能要止蝕離場。


( 權益披露 :  筆者現在持有或將來會持有以上股票 )