想同大家分享一樣我自己覺得幾有趣嘅事。

恒生指數有限公司,有樣嘢真係抵讚,就係喺極高位減少騰訊(0700)於恒指嘅比重。形成就算估值咁貴嘅騰訊,將來股價要跌都好,對恒指嘅拖累都會減少。

根據網站資料,騰訊比重已經減少至9.63%,再跌就再減。Touchwood,假如騰訊將來真係帶動大市下跌,初頭影響都會好大,但到後段影響會愈變輕微。

今日,恒指估值最貴,又大隻嘅,就只有騰訊。呢個變動,我覺得非常聰明,可以減少恒指將來步入熊市嘅跌幅。

有啲策略,會因為咁變得安全好多。有機會再同大家分享。