【 #期權短評 – 上升股票數目減少】

呢兩日個市,又同早兩個星期有少少分別。中短期後市點走,我要多少少時間觀察,有較明確既睇法,再update大家。

但大家要留意一樣嘢,就係整個股市既上升股票數目,又再減少。咁即係點?即係話,買股票唔好買得太偏。托大股、沽細股既情況,可能會重演。

過去個幾星期,有好多中、細價股都升得唔錯,如果隻股有少少喺高位回落既跡象,我會建議可以開始計下數食糊。呢啲股票,股價下跌速度可以好快,高位唔走,萬一隻股之後急跌,就好會賺少好多,甚至倒輸。

短期走勢,要觀察多陣。但中長線,恒指34000點目標不變,幾隻重點大股,未夠貨既朋友,啱價就可以買。

今晚講座,會分享多少少我對市況既睇法。報咗名既朋友,今晚見。

風險聲明:筆者為證監會持牌人。以上內容並不構成投資建議。投資者於投資前必須充分了解產品風險,自己的財務狀況及投資目標,並諮詢專業顧問。