【 #期權短評 – 下一步,盈利再投資】

唔好意思,今朝好忙,要到lunch後先有時間出文。

34000點既目標,已經不遠。呢一刻,我哋要做既嘢係,點樣可以將賺返嚟既錢「再投資」,令最後恒指升抵目標既時候,可以賺更多錢。

上堂既時間講過,大家一定要識得最少兩種方法。第一種,係點樣好易賺錢。第二種,係喺有限風險既情況下,點樣可以有機會賺到大錢。兩種方法都識,兩種方法都做得好,我哋就可以一方面唔使冒太大風險之餘,另一方面,只要市況配合,就能夠賺到非常理想既回報。

於過去恒指二千點既升幅,錢都算賺得唔錯。而下一步,就係要諗點樣可以賺得更多。而竅門係,我哋要熟用一啲有效風險,但又具備槓桿既投資工具。有機會再同大家分享。

最後,講下港交所(0388)。呢隻股票,我有期權好倉,暫時已經有唔錯既回報。港交所既股價升定跌,好簡單,根本就係同市場既成交額同佢既預期掛鉤。如果有一日,港股既日均成交可以去到2000億,而市場開始估計最終每日成交可以去到5000億,咁隻股既股價應該可以去到一個好瘋癲既位。

下年睇返,真係有可能最大果幾隻股票,例如係沙地亞美、阿里巴巴、京東、百度、小米,全部都脫腳唔嚟上市。但今年內,無論如何,我估港交所點都會有啲炒作,呢個就係我投資港交所既原因。用啱策略,我個人相信贏面會好高。

利申:持有港交所期權好倉。