《騷後有感》
唔係第一次搞talk騷,但係今次,就係最多人參與既一次。還記得响入行前,响太子明愛賓館個hall,《逃生門》既一次,坐左450人!今次,可算係我入行後創最多人既紀錄喇:600人——400人响現場、200人响樓上——希望,下次我真能踏上一個更壯闊既舞台!

多謝你地每一位既支持!以往常有既感受,我唔分享喇。倒想同大家分享既係,經歷過2017年既狂牛,仲有12月初既假跌破、大止蝕,到12月中,靠住幾隻內房、藥同埋政策股同大家急急收復番早前既失利。望住你地,果刻真係百感交雜,可能你地會唔信…

好似一個率領住千人大軍既將領,望住一個個學滿有成既、受挫折挫敗既、但仍屢敗屢戰既子弟兵們,我真心感動。同大家檢閱白馬股响過去表現既一刻,同大家宣布六寶係綠葉既一刻,我真心想喊,因為每一役都係我地一齊經歷過既,每一蚊都係大家一齊賺既!

半年一度既talk騷,終於都結束。希望你地記住我派俾大家既冧把,同記住我為你地準備既種種氣氛:無論係「廟街cfu rap」、抑或係眾志成城,encore嗌六寶…記得我們都一齊熱血過、青春過,記得响金錢以外,我帶俾你地既回憶!半年之後,千人大會見!