[本週展望]

禮拜五內地嘅貿易數據居然好過預期。出口增長比預期高半個百分點,而入口增長則比預期大減至4.5%。貿易順差擴大,有助振興內地近期嘅經濟放緩。

而美國方面,通脹如預期微調百分之0.1至2.1%,可能係因為加息之後嘅效應。聯儲局要喺加息之路繼續行落去,一定要睇實通脹嚟加,若果唔係,一著不慎,滿盤皆落索。

不過股市破頂方面,同巴塞贏波一樣,從來冇停過。恆指於上週五再下一城,企喺31400樓上。美市上週五亦升逾兩百點。恆指宜家距離31958都只係500點,歷史高位近在咫尺。不過,禮拜四將會有重頭戲:內地公布第四季經濟增長。恆指要一陽指直穿歷史高位,必先要大媽嘅數據唔好跌眼鏡。不過望翻之前嘅經濟數據,內地經濟放緩嘅機會始終較大。

若果內地未能製造驚喜,料恆指今個禮拜先高後回,作微型整固,以31958封頂,支持位30800。

金融小弟