〔一週總結〕

哈哈,我真係想知依家淡友嘅感受,噚日震倉之後各主要指數都創新高,而港股吐氣揚眉升穿三萬三。昨日嘅震倉幾乎若無其事,對睇淡嘅人嚟講,真係一啖砂糖一啖屎。大市收33154,升499,成交1799億。(260118)

美匯及美息走向若不變,市場短期嘅憂慮逐一消失,二月頭惟恐股變得更癲。有危必有機,大家要淡定啲,喺危急關鍵時刻,保持清醒嘅頭腦。喺冇額外壞消鼧嘅情況底下,港股再下一城,嚟緊嘅目標將處於三萬五呢個大位,應該會喺新年前後發生。

點樣部署就睇翻我先前嘅文章喇。大致上冇乜負面消息嘅話,個市牛三都應該唔會走樣,個市三萬五指日可待!不過,想上尾班車嘅朋友們,要記住即使係牛市,都可以輸錢。所以,心理質素代表一切。凡事都用一顆清靜嘅心去面對,咁自然冥冥中會修成正果。

金融小弟