〔恭喜發財〕160218

先同各位讀者拜個年:恭喜發財、身體健康、旺旺有財、狗年繼續承雞年市勢,於港股食大糊!

咁最近個市見好轉,美股及港股齊齊補翻絕大部分嘅失地,尤其業績期將至,港股嘅炒味又變濃,收爐半日市再抽上近600點,重上31000大位。過年雖乏北水嘅支持,卻無礙港股反彈,尤其喺市場睇好業績嘅大藍籌:冇錯,又喺強股!今次嘅市勢,炒落後嘅跡象真係少知見少。你睇中國移動(0941)就知喇。宜家佢咁嘅勢,業績冇特別沖喜,客戶增長平平無奇,5G又俾同行中興通訊(0763)搶風頭,自己除咗上年派過吓特別息之外,認真好似潛咗水咁。嚴格嚟講,同一隻公用股冇分別!

講翻最近大環境嘅最近消息先。美國最新通脹按年維持升2.1%,比市場預先料放緩至1.8%高。雖則通脹快,甚至債息再突破2.9%嘅大位,美股都懶理炒咗上去先。美股起死回生,上翻25000點附近,港股隨即都跟隨有好表現。不過,反而我擔心,咁樣背馳嘅市場反應,總會令他日市場增添不明朗因素。

話就話聯儲局講過冇嘢會阻到加息嘅時間表,但係佢地似乎冇乜點公開確認加息唔會加快。宜家同缸友承諾,就話唔符合美國經濟嘅得益啫。不過,倘若通脹續膨漲,就業率持續理想,聯儲局就再冇理由仲係咁嘅聲氣。要明白聯儲局加息嘅目的,其中一個原因就係要抑制通脹,延長經濟好轉週期嘅「壽命」,唔好咁快今次經濟復甦咁快玩完。

去年環球經濟復甦加快,料各重磅藍籌即將公布嘅業績亮麗,故港股開年之後淡友應被挾扁。除外,美元本星期未能持續回穩,反而再尋底,昨日美匯指數連89都穿埋。相信泡沫會唔會來臨,10年期美債息率若達3厘,將會係一個重要嘅指標。

嚟緊想進取啲嘅,可以考慮內銀股,其行業上年嘅大氣候尚算理想,第三季嘅業績可見多間內銀盈利錄增長,壞帳嘅情況大致上亦有改善嘅跡象,最少冇持續惡化,加上內地第四季嘅經濟數據理想,料第四季內銀都會持續呢個勢頭,成績表嘅表現值期望。若防守型嘅,可以諗諗本地銀行股。就算美國加息真係似加快話,受惠息差嘅銀行股,表現理應唔會大差。以現價嚟計,都係中銀香港(2388)抵買啲架喇~

以上都只係一位大學生嘅睇法,在座嘅讀者大部分當然都係食鹽多過我食飯,對我以上「偏熊」嘅諗法有保留維之常情。市場嘅反應,唔可以百分百用歷史推測。但係我只係知道,當市場未能正確地反映因素,個泡沫就會越吹越大。

金融小弟