「切忌睇少美元」110518

近日正值考試高峰期,為盡學生應有嘅責任,近排嘅文章都會疏翻啲,見諒。不過考試當然無礙我貼近近日市況~

環球股市都係繼續「上三分、下三分」嘅格局上落,息口暫時係三厘附近卻步。港股就多次徘徊三萬點上下空間,維持先前有談討過嘅上落市。聯儲局於拖慢美國經濟進度,睇嚟有啲功力。啱啱公布嘅通脹數據,環比數字僅遜於預期,舒緩市場對加息步伐加快嘅憂慮。內地股市亦重上3100關口,為港股近日增添氣氛。一個禮拜後再次企喺上落市30800徘佪嘅頂部。

先前提及過,於強股月低少試牛刀嘅策略,成功嘅你地就恭喜哂,不過錯過咗,掛得太低嘅你地都未免灰心,不竟市場因素好多都尚未瓦解。近日「當紅炸子雞」嘅貿易戰,時不時中美雙方都有動態,債息強勢會否持續都係一個問題。除外,最近亦都多咗一個大因素出現,就係美元轉強嘅趨勢。美匯指數由早排90邊緣,升至近日上破93。多年嚟美元股市反比嘅關聯,都係市場衡量未來美市走向可靠指標其一。美元走勢唔係講笑,除咗可以令到環球資金部署「乾坤大挪移」之外,亦會導致新興市場貨幣及其後股市受壓。有趣嘅地方係美國油存比預期低,令到油價少有地同美元同步,內航股睇嚟要避一避啦~

市場已經俾足預兆俾大家作準備,鍾意中長線嘅大家都可以諗定下一轉嘅鴻圖大計,做比市場更早嘅準備,到時就唔會恨晚失良機:不竟早起嘅鳥兒先至有蟲吃~

金融小弟