【 #期權短評 – 留意能夠逆市上升既股票】

之前講過,恒指於31300點以上為高,30400點以下為低,如果大家高位有走貨,預留咗現金,現時又可以嘗試揾貨買。

之前揀既股都算唔錯,有一啲仲可以逆市上升。而今日,我想講下呢樣。

對於能夠逆市上升既股票,我會加分。因為呢啲股票,如果喺市況唔好既時間都可以上升,到市況好轉既時候,通常都可以升得仲勁。再者,我哋都要諗下,點解個市唔得,大戶都仲要攬住呢隻貨,一定有啲原因。

至於個市,無乜特別update,so far so good,見住啲時間值慢慢扣減,倉位賺既錢穩步增長,揀啲股票又唔錯,繼續keep住就已經可以。等遲啲大市出現突破訊號,再轉策略都未遲,到時再update大家。

風險聲明:筆者為證監會持牌人。以上內容並不構成投資建議。投資者於投資前必須充分了解產品風險,自己的財務狀況及投資目標,並諮詢專業顧問。