【 #期權短評 – 大升未係時候】

留意緊一樣嘢,啱啱午後恒指果段跌幅,幾隻大型內銀股完全無跟跌。唔係一隻係咁,係幾隻都係咁。事實上,睇返啲內銀股走勢,大慨11點後,一直維持橫行。個市咁 chok,都仲繼續keep住喺兩三格內窄幅上落,呢啲,唔似係市場自由買賣下會出現既股價走勢。呢樣嘢,明就明啦,唔講太白喇。

嚟緊,大市仲有機會出現反彈。但情況同噚日相似,個市,升起上嚟可以升得好急,但如果見升勢開始減弱,就要小心回調。所以,噚日都叫大家要小心。

短期內,唔好抱太大期望港股可以徹底轉跌為升。睇盤路,睇資金流,睇股票表現都完全未ready。反彈會有,但要真升仲係好難。

最低限度,正如條youtube所講,恒指俾返幾支大陽燭嚟睇下先啦。

有朋友問,你估港股幾時可以見底回升?呢樣嘢,要等個市話返俾我哋知。暫時未得,到有買入訊號出現時,再通知大家。

風險聲明:筆者為證監會持牌人。以上內容並不構成投資建議。投資者於投資前必須充分了解產品風險,自己的財務狀況及投資目標,並諮詢專業顧問。