【 #期權短評 – 繼續睇實熊市結束跡象】

先提一提大家,下星期五晚(28/9)有舊生聚會,我會教大家點樣睇牛熊市,只限舊生參加,坐位有限,報名從速。

上星期,9月13日,我第一次同大家講熊市完結既機會已經唔係零。身邊既朋友、客戶,早前我都已經同佢哋講,要買返啲貨底。現階段,未到訓身既時候。但如果到有大機會出現時,大家手上已有盈利,到時要博,都會手鬆好多。

呢樣嘢,大家一定要睇實。

恒指,短期內有機會上試28000點左右水平,到時,市場沽壓或會增加。但大家既關注點係邊啲股票可以唔理市跌,繼續上升。

牛一鬥揀股,牛三鬥大膽。可唔可以喺牛市初期就建立到優勢,靠既係要識揀可以大升、長升既股票。

暫時,未有確實既股票名單,但邊啲股票得,已經開始出緊嚟。總之,就密切留意。

今次既睇法,幾個月後就會知中唔中。

風險聲明:筆者為證監會持牌人。以上內容並不構成投資建議。投資者於投資前必須充分了解產品風險,自己的財務狀況及投資目標,並諮詢專業顧問。