[公開譴責 偷錄課程侵權行為]

前幾日發生咗啲唔開心嘅事,我朋友發現有人偷拍我嘅程式交易課程內容,鬼鬼鼠鼠咁喺facebook其他page周圍搵客。呢件事我已經搵咗海關處理,但都仲係嬲到震。

一路以來我都淮許同學上堂嘅時候錄音,作為返屋企溫習用途我覺得無可厚非,但係偷拍再轉賣簡直就係偷竊行為,絕對需要法律制裁。我嘅課程每一堂都係以往我自己操盤經驗所歸納嘅精華,你知唔知我要用幾多時間,撞過幾多次板,先可以將啲經驗濃縮成為精華? 仲未計要用幾多心機去設計課堂,務求令每個初學者都吸收得到,你一個唔該就偷咗去,你有冇廉恥?????

以前我發現有人直接炒我嘅值搏指數概念去教人我都算數,因為係我自己白痴寫埋落本書度益哂街坊,丫仆你個街而家啲人竟然冇廉恥到直接偷拍拎去賣,我真係未試過嬲到咁。

唔講咁多喇!好嬲呀!係咁!